​ຕອນ​ເຊົ້າ​ວັນ​ທີ 9 ​ເມສາ 2018 ທີ່​ຜ່ານ​ມາ​ນີ້​ພະ​ແນ​ກ ​ໄປສະນີ,​ໂທລະ​ຄົມມະນາຄົມ ​ແລະ ການ​ສື່ສານ ​ແຂວງ ​ໄດ້​ຈັດ​ໃຫ້​ມີ​ພິທີ​ສະ​ເຫຼີ​ມສະຫຼອງ​​ຕ້ອນຮັບບຸນ​ປີ​ໃໝ່ລາວ ພສ 2561 /ປີ ຄສ 2018 ຂື້ນ​ທີ່​ພະ​ແນ​ກ ປທສ ​ແຂວງ ​ເຊີ່ງ​ໃນ​ພິທີ​ມີ​ຫົວໜ້າ​ພະ​ແນ​ກ, ຮອງ​ຫົວໜ້າ​ພະ​ແນ​ກ, ພະນັກງານ​ວິຊາ​ການ​ພາຍ​ໃນ​ພະ​ແນ​ກ​ເຂົ້າ​ຮ່ວມ​ຢ່າງ​ພ້ອມພຽງ ​ແລະ ພ້ອມ​ກັນ​ນັ້ນ​ກໍ່​ມີ​ແຂກ​ທີ່​ຖືກ​ເຊີນ​ທີ່​ມາ​ຈາກ​ພະ​ແນ​ກອ້ອມ​ຂ້າງ​ມາ​ເຂົ້າ​ຮ່ວມ​ຢ່າງ​ພ້ອມພຽງ

      ອີກເລື່ອງຂອງເຟດບຸ໊ກ ຖືເປັນການ“ເຂົ້າໃຈຜິດ” ຈາກກໍລະນີມີການເລີ່ມແຊລ໌ວ່າ ຖ້າເຮົາພິມ BFF ແລ້ວຂຶ້ນສີຂຽວສະແດງວ່າ ບັນຊີເຟຊະບຸ໊ກະຂອງເຮົາປອດໄພ ເປັນຂ່າວບໍ່ຈິງ ໂດຍຖອດຂໍ້ຄວາມອ້າງວ່າເປັນຄຳເວົ້າຂອງ Mark Zuckerberg ທີ່ໃຫ້ພິມ BFF ຖ້າເປັນສີຂຽວບັນຊີສະແດງວ່າບັນຊີຂອງເຈົ້າປອດໄພ ຖ້າບໍ່-ແມ່ນສີຂຽວແມ່ນໃຫ້ປ່ຫັດຜ່ານຂອງເຈົ້າທັນທີ, ທັງທີ່ຄຳວ່າ BFF ຫຍໍ້ມາຈາກ Best Friend forever

        ໃນ​ຕອນ​ແລງ​ຂອງ​ວັນ​ທີ 2 ​ເມສາ 2018 ທີ່​ຜ່ານ​ມາ​ນີ້ ​ໄດ້​ຈັດ​ໃຫ້​ມີ​ພິທີ​ມອບ​ຊຸດ​ກິລາບານ​ເຕະ ຈຳນວນ 17 ຊຸດ ​ໃຫ້​ພະ​ແນ​ກ ​ໄປສະນີ,​ໂທລະ​ຄົມມະນາຄົມ ​ແລະ ການ​ສື່ສານ ​ ​ແຂວງ​ຜົ້ງ​ສາລີ ​ເພຶ່ອນຳໃຊ້ເຂົ້າໃນການເຄື່ອນໄຫວວຽກງານກິລາຂອງພະແນກ ເຊິ່ງ​ອຸປະຖຳ​ໂດຍ​ທ່ານ ສົມ​ນຶກ ວົງ​ທະ​ສັກ ​ແລະ ​ໃຫ້​ກຽດ​ຮັບ​ໂດຍ ທ່ານ ບຸນ​ສະຫວາດ ສີ​ວົງ​ໄຊ ຮອງ​ຫົວໜ້າ​ພະ​ແນ​ກ ປທສ ​ແຂວງ.

​       ໃນ​ຕອນ​ເຊົ້າ ວັນ​ທີ 23 ມີນາ 2018 ທີ່​ຜ່ານ​ມາ​ນີ້ ທາງ​ໜ່ວຍ​ພັກ​ພະ​ແນ​ກ​ໄປສະນີ, ​ໂທລະ​ຄົມມະນາຄົມ ​ແລະ ການ​ສື່ສານ ​ແຂວງ​ຜົ້ງ​ສາລີ ​ໄດ້​ຈັດ​ໃຫ້​ມີ​ພິທີ​ປະກາດ​ຍຸບ​ໜ່ວຍ​ພັກລັດ​ວິ​ສາ​ຫະກິດ ​ໄປສະນີ​ລາວ ສາຂາ​ແຂວງ ໃຫ້ໄປຂື້ນກັບໜ່ວຍພັກພະແນກ ປທສ ແຂວງຜົ້ງສາລີ ເຊິ່ງຈັດຂື້ນ​ທີ່​ຫ້ອງ​ປະຊຸມ​ພະ​ແນ​ກ ຄວບ​ຄຸມ​ຢາ​ເສບ​ຕິດ ກອງ​ບັນຊາ​ການ ປກສ ​ແຂວງ ​ໂດຍ​​ໃຫ້​ກຽດ​ເຂົ້າ​ຮ່ວມ ​ແລະ ​ເປັນ​ປະທານ​ຂອງສະຫາຍ ເພັງ ​ເຈັ່ນ​ຕະພູມ ຄະນະພັກ ຄະນະກວດກາ​ແຂວງ ມີ​​​ແຂກ​ຖືກ​ເຊີນ​ຈາກ​ຄະນະ​ຈັດ​ຕັ້ງ​ແຂວງ,ຄະນະ​ກວດກາ​ແຂວງ, ມີບັນດາ​ບັນດາ​ສະຫາຍ​ເລ​ຂາ​ໜ່ວຍ​ພັກ,ຄະນະ​ພັກ, ສະມາຊິກ​ພັກ​ພາຍ​ໃນໜ່ວຍ​ພັກ​ພະ​ແນ​ກ ປທສ ​ແລະ ​ບໍລິສັດລັດ​ວິ​ສາ​ຫະກິດ ​ໄປສະນີ​ລາວ ສາຂາ​ແຂວງ ​ເຂົ້າ​ຮ່ວມ​ຢ່າງ​ພ້ອມພຽງ.