ສາຍດ່ວນ(ສຸກເສີນ) ແຂວງຜົ້ງສາລີ

ສະຖິຕິຂະແໜງການ ປທສ

Yearbook2016

ຈຳນວນຜູ້ເຂົ້າຊົມ

ຜູ້ຊົມ
1
ບົດຄວາມ
54

Login Form

1

     ກອງປະຊຸມວຽກງານໄປສະນີ, ໂທລະຄົມມະນາຄົມ ແລະການສື່ສານ ແລະ ກອງປະຊຸມວຽກງານໄອຊີທີປີ 2017 ຊຶ່ງໄດ້ດຳເນີນເປັນໄລຍະເວລາ 02 ວັນ (ລະຫວ່າງວັນທີ 23-24 ມັງກອນ 2018). ໂດຍການເປັນປະທານຂອງທ່ານ ປອ ທັນສະໄໝ ກົມມະສິດ, ກຳມະການສູນກາງພັກ, ລັດຖະມົນຕີກະຊວງ ປທສ, ມີຮອງລັດຖະມົນຕີບັນດາກະຊວງ, ເຈົ້າແຂວງ, ຮອງເຈົ້າແຂວງ/ນະຄອນ, ພະນັກງານ ລັດຖະກອນອອ້ມຂ້າງກະຊວງ ແລະ ທ້ອງຖິ່ນ ພ້ອມດ້ວຍຜູ້ຕາງໜ້າຈາກບັນດາຂະແໜງ ການດ້ານໄປສະນີ, ໂທລະຄົມມະນາຄົມເຂົ້າຮ່ວມ.~ສົ່ງເສີມ, ນຳໃຊ້ ໄອຊີທີ (ICT) ເຂົ້າໃນ ເອັດເອັມອີ (SME) ແລະ ສະຕາດອັບ (Start up) ເພື່ອຂັບເຄື່ອນເສດຖະກິດ ດີຈີຕອນ}ກອງປະຊຸມວຽກງານໄປສະນີ, ໂທລະຄົມມະນາຄົມ ແລະການສື່ສານ ແລະ ກອງປະຊຸມວຽກງານໄອຊີທີປີ 2017 ໄດ້ໄຂຂື້ນ ໃນຕອນເຊົ້າຂອງວັນທີ 23 ມັງກອນ 2018 ນີ້. ທີ່ສູນການຄ້າລາວ-ໄອເຕັກ ພາຍໃຕ້ຄຳຂັວນທີ່ວ່າ:

32

 

       ກອງປະຊຸມໄດ້ກໍານົດອອກເປັນ 2 ພາກ ຄື: ພາກທີ່ 1: ແມ່ນກອງປະຊຸມວຽກງານໄປສະນີ, ໂທລະຄົມມະນາຄົມ ແລະການສື່ສານ ປະຈຳປີ2017 ແລະ ທິດທາງແຜນການສົກປີ 2018 ເຊິ່ງພາກນີ້ແມ່ນໄດ້ທວນຄືນຜົນສຳເລັດ ໃນການປະຕິບັດໜ້າທີ່ການເມືອງຂອງຂະແໜງການ ໄປສະນີ, ໂທລະຄົມມະນາຄົມ ແລະ ການສື່ສານ ຄື:(1)ກ່ອນອື່ນກະຊວງໄດ້ໃຫ້ຄວາມສຳຄັນເປັນບູລິມະສິດທີ່ໜຶ່ງແກ່ວຽກງານການເມືອງ-ແນວຄິດ ເພາະມັນແມ່ນປັດໃຈຕັດສິນຜົນສຳເລັດຂອງການປະຕິບັດໜ້າທີ່. ໃນນັ້ນ, ພະນັກງານລັດຖະກອນ ມີຄວາມເອກະພາບກັບອຸດົມການຂອງພັກ, ເຊື່ອໝັ້ນພັກ, ຕັດສິນໃຈເຮັດໜ້າທີ່ດ້ວຍຄວາມຮັບຜິດຊອບສູງ. (2) ກະຊວງໄດ້ປັບປຸງນິຕິກຳອັນເກົ່າແລະສ້າງນິຕິກຳອັນໃໝ່ໃນການຄຸ້ມຄອງມະຫາພາກ ເພື່ອໃຫ້ເໝາະສົມກັບສະພາບການຂະຫຍາຍໂຕທາງດ້ານໄອຊີທີໃນປະຈຸບັນ ເຊິ່ງໃນສົກປີຜ່ານມາໄດ້ສຳເລັດກົດໝາຍ 02 ສະບັບ (ກົດໝາຍຄື້ນຄວາມຖີ່ວິທະຍຸສື່ສານ ແລະ ກົດໝາຍປົກປ້ອງຂໍ້ມູນເອເລັກໂຕຣນິກ), ດຳລັດ 01ສະບັບ ແລະ ຂໍ້ຕົກລົງ 08 ສະບັບ (3) ການພັດທະນາ ແລະ ຂະຫຍາຍພື້ນຖານໂຄງລ່າງເຕັກນິກລະບົບໄອຊີທີ ເປັນຕົ້ນແມ່ນ : ການຄຸ້ມຄອງລວມສູນລະບົບສື່ສານທາງດ້ານເຕັກໂນໂລຊີການສື່ສານ ແລະ ຂໍ້ມູນຂ່າວສານ,ການຄຸ້ມຄອງການນຳໃຊ້ສັງຄົມອອນລາຍ (ຫຼື social media ), ການຕ້ານແລະ ສະກັດກັ້ນການໂຈມຕີທາງໄຊເບີ, ການຄຸ້ມຄອງແລະຈັດສັນຄື້ນຄວາມຖີ່ໃນຂອບເຂດທົ່ວປະເທດ, ການຄຸ້ມຄອງລະບົບສາຍສົ່ງດ້ານໂທລະຄົມມະນາຄົມ (ສາຍໄຍແກ້ວ), ການດຳເນີນທຸລະກິດດາວທຽມລາວ, (4) ການສ້າງສະພາບແວດລ້ອມທີ່ຈູງໃຈຕໍ່ການລົງທຶນໃຫ້ບໍລິການດ້ານໄອຊີທີ ແລະຊຸກຍູ້ບັນດາບໍລິສັດ ໃຫ້ເສຍພັນທະປະກອບສ່ວນໃນການພັດທະນາປະເທດຊາດ, ສົ່ງເສີມໃຫ້ປະຕິບັດຕາມນະໂຍບາຍຂອງລັດຖະບານ ໃນການຂະຫຍາຍເຄືອຂ່າຍຂອງຕົນສູ່ເຂດຊົນນະບົດໃນຂອບເຂດທົ່ວປະເທດ, (5) ການສ້າງບຸກຄະລາກອນໃຫ້ມີຄວາມສາມາດນຳໃຊ້ອຸປະກອນ ໄອຊີທີ ຢ່າງເປັນລະບົບ ແລະ ຕໍ່ເນື່ອງ.
        ໃນປີ 2017 ຜ່ານມາ ກະຊວງ ໄດ້ສໍາເລັດການຕິດຕັ້ງອຸປະກອນເຕັກນິກລະບົບຕ່າງໆ ເປັນຕົ້ນ: ຂະຫຍາຍລະບົບສູນກາງໂທລະສັບ ແລະ ອິນເຕີເນັດລະຫວ່າງປະເທດ ສາມາດຮອງຮັບບໍລິມາດການເຊື່ອມຕໍ່ພາຍໃນປະເທດ ແລະ ກັບຕ່າງປະເທດ ໄດ້ 100%; ຂະຫຍາຍລະບົບເຊີເວີທີ່ສາມາດໃຊ້ຮ່ວມກັນໄດ້ ຫຼື ຄລາວ (Cloud) ໃຫມ່ ສາມາດຮອງຮັບເຊີເວີຈຳລອງໄດ້ຈຳນວນໜຶ່ງ ແລະ ໄດ້ມີການໃຫ້ບໍລິການຝາກເວັບໄຊຈາກພາກລັດແລະອົງການຕ່າງໆ ຫລາຍກ່ວາ 200 ເວັບໄຊແລ້ວ; ປັບປຸງຫ້ອງເຕັກນິກຮັບຝາກອຸປະກອນເຊີເວີພາກລັດ ສາມາດຮອງຮັບໄດ້ 200 ເຊີເວີ ຊຶ່ງປະຈຸບັນໄດ້ມີກະຊວງຈຳນວນຫນຶ່ງມາຝາກໄວ້ແລ້ວ ແລະ ຂະຫຍາຍລະບົບເຊື່ອມຕໍ່ລະຫວ່າງສູນກາງອິນເຕີເນັດ ແລະ ສູນຝາກຂໍ້ມູນເພື່ອຮອງຮັບບໍລິມາດຂໍ້ມູນທີ່ນັບມື້ນັບເພີ່ມຂື້ນ. ເພື່ອຕອບຮັບກະແສການຊົມໃຊ້ທີ່ເພີ້ມຂຶ້ນໄວ ແລະ ຕໍ່ເນື່ອງ, ບັນດາບໍລິສັດໂທລະຄົມ/ອິນເຕີເນັດ ຈິງໄດ້ເອົາໃຈໃສ່ລົງທຶນຍົກລະດັບ ແລະ ຂະຫຍາຍເຄືອຂ່າຍເຕັກນິກຂອງຕົນ ເປັນຕົ້ນແມ່ນການວາງສາຍໄຍແສງໃນຂອບເຂດທົ່ວປະເທດໄດ້ 7 ພັນກິໂລແມັດ, ລວມທັງໝົດ 75 ພັນກິໂລແມັດ, ສົມທຽບປີກ່ອນເພີ່ມຂຶ້ນ 11%, ກວມ 18 ແຂວງ 148 ເມືອງ; ຈຳນວນລົງທະບຽນນໍາໃຊ້ໂທລະສັບລວມທັງຕັ້ງໂຕະ ແລະ ມືຖືມີ 4,7 ລ້ານເລກໝາຍ ແລະ ລົງທະບຽນນໍາໃຊ້ອິນເຕີເນັດທັງໝົດ 2.4 ລ້ານບັນຊີ, ມີອັດຕາການຊົມໃຊ້ອິນເຕີເນັດ 37.5% ຂອງປະຊາກອນ; ພື້ນທີ່ໃຫ້ບໍລິການໂທລະສັບມືຖື ກວມ 91% ຂອງຈໍານວນບ້ານທັງໝົດ, ໃນນີ້ 3G ແລະ 4G ຄວບຄຸມພື້ນທີ່ໄດ້ 67% ແລະ 13%, ເຮັດໃຫ້ມີອັດຕາການຊົມໃຊ້ໂທລະສັບມືຖືສູງເຖີງ 120% ຢູ່ໃນເຂດເທດສະບານຕົວເມືອງໃຫຍ່, ລວມແລ້ວລາຍຮັບທັງໝົດຂອງທົ່ວຂະແໜງ ປທສ ຄາດຄະເນຫມົດປີ ປະຕິບັດໄດ້ 3.640 ຕື້ກີບ ທຽບໃສ່ຂອງປີ 2016 ເພີ່ມຂື້ນ 14%; ລາຍຮັບທັງໝົດດັ່ງກ່າວໄດ້ປະກອບສ່ວນສໍາຄັນເຂົ້າ GDP ແຫ່ງຂອງຊາດ ແລະ ຄາດຄະເນການມອບພັນທະຂອງທົ່ວຂະແໜງ ປທສ ເຂົ້າງົບປະມານແຫ່ງລັດໃນປີ 2017 ຈະປະຕິບັດໄດ້ 881,4 ຕື້ກວ່າກີບ, ເມື່ອທຽບໃສ່ຂອງປີ 2016 ເພິ່ມຂື້ນ 12 %.
     ສໍາລັບແຜນການປະຈຳປີ 2018 ໄດ້ກຳນົດຂື້ນ ເພື່ອແນ່ໃສ່ສ້າງບັນດາປັດໃຈພື້ນຖານ ພັດທະນາວຽກງານໄປສະນີ,ໂທລະຄົມ ແລະ ໄອຊີທີ ໃຫ້ບັນລຸຕົວເລກຄາດໝາຍສູ້ຊົນເຄິ່ງສະໄໝຂອງແຜນພັດທະນາ 5 ປີ ( 2016-2020 ) ຄັ້ງທີ II ຂອງຂະແໜງ ປທສ ຊຶ່ງມີເນື້ອໃນໂດຍຫຍໍ້ດັ່ງນີ້: ທິດທາງແຜນພັດທະນາ ປະຈໍາປີ 2018 ແມ່ນເລັ່ງໃສ່: (1) ພັດທະນາຂະແໜງການ ໄປສະນີ, ໂທລະຄົມມະນາຄົມ ແລະ ການສື່ສານ ໃຫ້ທັນສະໄໝ, ມີພື້ນຖານໂຄງລ່າງດີຈີຕອນດ້ວຍລະບົບຄວາມໄວສູງ, ປອດໄພ, ທົ່ວເຖິງ ແນ່ໃສ່ປະກອບສ່ວນຢ່າງຕັ້ງໜ້າເຂົ້າໃນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ແລະ ເປັນຈຸດເຊື່ອມໂຍງກັບ ພາກພື້ນ ແລະ ສາກົນຢ່າງມີຄຸນນະພາບສູງ; (2) ສ້າງບຸກຄະລາກອນໃຫ້ມີຄວາມຮູ້ ແລະ ຫົວຄິດປະດິດສ້າງດ້ານຂໍ້ມູນຂ່າວສານ ແລະການສື່ສານ; (3) ສຶບຕໍ່ຢູ່ແຖວໜ້າໃນການສ້າງລາຍຮັບໃຫ້ແກ່ງົບປະມານຊຶ່ງຈະເປັນສິ່ງຢັ້ງຢືນການປະກອບສ່ວນສຳຄັນຕໍ່ການພັດທະນາເສດຖະກິດ-ສັງຄົມ ໃນສົກງົບປະ ມານ 2018, ເປັນປີແຫ່ງບາດລຽ້ວການຫຼຸດພົ້ນຈາກບັນຊີປະເທດດ້ອຍພັດທະນາຂອງ ສປປ ລາວ ໃນປີ 2020.
     ພາກທີ 2: ກອງປະຊຸມວຽກງານໄອຊີທີປີ 2017, ກອງປະຊຸມດັ່ງກ່າວໄດ້ປຶກສາຫາລື ແລກປ່ຽນຄວາມຄິດຄວາມເຫັນ ກ່ຽວກັບສະພາບການພັດທະນາ, ການຄຸ້ມຄອງ, ສົ່ງເສີມ ແລະ ການນຳໃຊ້ ໄອຊີທີ ເຂົ້າໃນການພັດທະນາເສດຖະກິດ-ສັງຄົມ ຊຶ່ງໃນປັດຈຸບັນນີ້, ຫຼາຍໆປະເທດທີ່ມີການພັດທະນາດ້ານ ໄອຊີທີ ສູງນັ້ນ, ໄດ້ຖືເອົາວຽກງານ ໄອຊີທີ ເປັນເຄື່ອງມື ທີ່ສຳຄັນໃນການສ້າງສັງຄົມທັນສະໄຫມ (Smart Society) ແລະ ຂັບເຄື່ອນເສດຖະກິດດີຊິຕອນ (Digital Economy). ສະນັ້ນ, ພວກເຮົາຕ້ອງ ອອກແຮງສົ່ງເສີມການນຳໃຊ້ນະວັດຕະກຳໃຫມ່ ຂອງໄອຊີທີ ຢ່າງສະຫລາດ ແລະ ກ້ວາງຂວາງ ເພື່ອບັນລຸເປົ້າໝາຍໃນການສ້າງປະເທດ ໃຫ້ຫລຸດພົ້ນອອກຈາກສະຖານະພາບດ້ອຍພັດທະນາໃນປີ 2020 ໂດຍມີເສດຖະກິດດີຈີຕອນເປັນທ່າແຮງ. ພ້ອມທັງ ລົງທຶນພັດທະນາເຄືອຂ່າຍເຕັກໂນໂລຊີການສື່ສານຂໍ້ມູນຂ່າວສານ ທີ່ທັນສະໄຫມ ເປີດໂອກາດ ແລະ ເອື້ອອຳນວຍໃຫ້ທຸກພາກສ່ວນຂອງສັງຄົມ ສາມາດເຂົ້າເຖິງ ຮຽນຮູ້ ແລະ ນຳໃຊ້ຂໍ້ມູນຂ່າວສານທາງວິຊາການ ຂອງທຸກຂະແຫນງການ ທີ່ເປັນປະໂຫຍດຢ່າງມະຫາສານ ໄດ້ຢ່າງສະດວກສະບາຍ ດ້ວຍລາຄາທີ່ສົມເຫດສົມຜົນ ແລະ ຕິດພັນກັບ 3 ຜົນປະໂຫຍດ ນີ້ແມ່ນສິ່ງອຳນວຍຄວາມສະດວກຫນຶ່ງທີ່ຂາດບໍ່ໄດ້ ໃນຂະບວນຍູ້ແຮງນະໂຍບາຍຫັນເປັນອຸດສາຫະກຳ ແລະ ທັນສະໄຫມ ຂອງພັກ ແລະ ລັດຖະບານລາວ. ດັ່ງນັ້ນ, ປະເທດລາວເຮົາຕ້ອງກຽມ ຄວາມພ້ອມດ້ານພື້ນຖານໂຄງລ່າງດີຈິຕອນ ແລະ ພັດທະນາບຸກຄະລາກອນ ທີ່ມີທັກສະສູງໃນດ້ານນີ້ ເພື່ອປູພື້ນຖານໄປສູ່ເສດຖະກິດດິຈິຕອນດັ່ງກ່າວ.
     ພ້ອມດຽວກັນນັ້ນ, ໃນກອງປະຊຸມຍັງມີຜູ້ຕາງໜ້າຈາກຫຼາຍພາກສ່ວນ ທັງພາກລັດ ແລະ ເອກະຊົນ ໄດ້ສະເໜີບົດກ່ຽວກັບສະພາບການພັດທະນາ, ການຄຸ້ມຄອງ, ການນຳໃຊ້ ໄອຊີທີ ໃນຂົງເຂດຂອງຕົນ, ຂໍ້ສະດວກ - ສິ່ງຫຍໍ້ທໍ້ຕ່າງໆໃນການນໍາໃຊ້ ແລະ ດໍາເນີນທຸລະກິດດ້ານໄອຊີທີ. ນອກນັ້ນ, ກອງປະຊຸມກໍ່ເປີດໂອກາດໃຫ້ຜູ້ເຂົ້າຮ່ວມມີສ່ວນຮ່ວມໃນການປະກອບຄວາມຄິດເຫັນ ເພື່ອໃຫ້ການພັດທະນາຂະແໜງການ ໄອຊີທີ ຂອງ ສປປ ລາວ ໃຫ້ເຕີບໃຫຍ່ຂະຫຍາຍໂຕ ຢ່າງໜັກແໜ້ນເຂັ້ມແຂງ ແລະຢືນຍົງຕາມທິດຫັນເປັນທັນສະໄໝຂອງລັດຖະບານ ເພື່ອສະໜັບສະໜູນ, ສົ່ງເສີມບັນດາຂະແໜງການຕ່າງໆນໍາໃຊ້ເຕັກໂນໂລຊີສື່ສານຂໍ້ມູນຂ່າວສານເປັນເຄື່ອງມືບໍລິຫານ ແລະ ຄຸ້ມຄອງຂະແໜງການຂອງຕົນ ໂດຍສະເພາະ ໃນຂະແໜງທຸລະກິດຂະໜາດນ້ອຍ ແລະ ຂະໜາດກາງ ຫຼື ເອັດເອັມອີ (SME ) ກໍຄືສະຕາດອັບ (Start up ) ຕາມຄຳຂວັນກອງປະຊຸມທີ່ກ່າວມາເທິງນີ້, ກ້າວໄປສູ່ການຫັນເປັນອຸດສາຫະກຳ ທີ່ທັນສະ ໄໝ, ເຊື່ອມໂຍງເຂົ້າກັບລະບົບເຄືອຂ່າຍຂໍ້ມູນ-ຂ່າວສານ ໃນພາກພື້ນ ແລະໃນໂລກໄດ້ຢ່າງສະດວກປອດໄພ, ປະກອບ ສ່ວນເຂົ້າໃນການພັດທະນາຊັບພະຍາກອນມະນຸດ, ພັດທະນາເສດຖະກິດ-ສັງຄົມຂອງຊາດ ຍົກລະດັບຊີວິດການເປັນຢູ່ຂອງປະຊາຊົນບັນດາເຜົ່າໃຫ້ດີຂື້ນ.



ປະຕະທີນ

October 2018
24
Wednesday
03:55
BuaXua Calendar

Poster ເຕືອນໄພທາງອິນເຕີເນັດ

link MPT

MPT

LANIC

LaoCertict magazine

phetsarath

ວາລະສານໄອຊີທີ

ເວັບໄຊຊື່ມວນຊົນໜັງສືພີມ

ເວັບໄຊຊື່ມວນຊົນໂທລະພາບ

ທີ່ຕັ້ງພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງຜົ້ງສາລີ