ສາຍດ່ວນແຂວງຜົ້ງສາລີ

  • ຫ້ອງວ່າການປົກຄອງແຂວງ:
  • ສະພາປະຊາຊົນ:

ສາຍດ່ວນ(ສຸກເສີນ)ແຂວງຜົ້ງສາລີ

  • ຕຳຫຼວດ:
  • ໂຮງໝໍ:
  • ໄຟຟ້າ: 088 1199
  • ນ້ຳປະປາ:

ສະຖິຕິວຽກງານ ປທສ

ວາລະສານ ໄອຊີທີລາວ

ຄົນທີ່ອອນລາຍ

ມີ 94  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

Login Form

      ໃນວັນທີ 18-19 ກໍລະກົດ 2017 ທີ່ຜ່ານມາ, ໄດ້ເປີດໃຫ້ມີກອງປະຊຸມເປີດບັ້ນດຳເນີນຊີວິດການເມືອງປັບປຸງປົວແປງທົ່ວໜ່ວຍພັກພະແນກ ໄປສະນີ ໂທລະຄົມມະນາຄົມ ແລະ ການສື່ສານປະຈຳປີ2017 ຂື້ນ ທີ່ຫ້ອງປະຊຸມຂອງສະພາປະຊາຊົນຂັ້ນແຂວງ ໂດຍມີຄະນະຊີ້ນຳຂັ້ນແຂວງລົງມາໃຫ້ການຊີ້ນຳ, ເຊິ່ງໃນພິທີແມ່ນໄດ້ໃຫ້ກຽດເປັນປະທານກອງປະຊຸມຂອງສະຫາຍ ຄຳຜອຍ ວັນນະສານ ກຳມະການປະຈຳພັກແຂວງ, ຮອງເຈົ້າແຂວງ, ຜູ້ຊີ້ນຳຂົງເຂດເສດຖະກິດຂັ້ນແຂວງ, ມີຜູ້ຕາງໜ້າທີ່ມາຈາກຄະນະໂຄສະນາອົບຮົມຂັ້ນແຂວງ ແລະ ຄະນະກວດກາຂັ້ນແຂວງ,ມີເລຂາ, ຮອງເລຂາ, ຄະນະພັກ ແລະ ສະມາຊິກພາຍໃນໜ່ວຍເຂົ້າຮ່ວມທັງໝົດ 12 ສະຫາຍ.

       

      ເຊິ່ງໃນວາລະກອງປະຊຸມໄດ້ແມ່ນໄດ້ເຜີຍແຜ່ເອກະສານຄຳສັ່ງຂອງກົມການເມືອງສູນກາງພັກເລກທີ01/ຄມສພ, ລົງວັນທີ່ 1 ກຸມພາ 2017, ວ່າດ້ວຍການດຳເນີນຊີວິດປັບປຸງປົວແປງພັກປີ2017, ເຊື່ອມຊືມເອກະສານເດັດດ່ຽວປັບປຸງປົວແປງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ, ເອກະສານມະຕິວ່າດ້ວຍການແກ້ໄຂປະກົດການອາດຍາສິດ,ສະກັດກັ້ນ ແລະ ຕ້ານການສໍ້ລາດບັງຫຼວງ ສະບັບເລກທີ022/ຄບສພ, ລົງວັນທີ 13 ມັງກອນ 2017.
      ໃນຈຸດປະສົງ ແລະ ຄາດໝາຍໃນການດຳເນີນຊີວິດປັບປຸງປົວແປງໃນຄັ້ງນີ້ແມ່ນເພື່ອໃຫ້ການດຳເນີນຊີວິດການເມືອງປັບປຸງປົວແປງ ແມ່ນຕ້ອງໄດ້ບັນລຸໄດ້ຕາມເນື້ອໃນຄຳສັ່ງຂອງກົມການເມືອງສູນກາງພັກ, ເຊື່ອມຊືມກຳແໜ້ນ ແລະ ມີຄວາມເປັນເອກະພາບສູງກ່ຽວກັບຄວາມໝາຍ, ຄວາມສຳຄັນ, ຄວາມຈຳເປັນ, ຈຸດປະສົງຄາດໝາຍ, ເນື້ອໃນ ແລະ ວິທີການຈັດຕັ້ງປະຕິບັດໃຫ້ຖືກຕ້ອງ, ເລິກເຊີ່ງ ແລະ ມີປະສິດທິຜົນ.

         ພາຍຫຼັງສໍາເລັດການເຊື່ອມຊືມເອກະສານຕ່າງແລ້ວກໍ່ໄດ້ຜ່ານໃບສໍຳຫຼວດຂອງຄະນະພັກ, ຄະນະພະແນກກ່ຽວກັບຈຸດດີ-ຈຸດອ່ອນ ໃນການຊີ້ນຳ-ນຳພາໄນໄລຍະທີ່ຜ່ານມາ, ຜ່ານໃບສຳຫຼວດຂອງບັນດາສະມາຊິກພັກພາຍໃນໜ່ວຍ ກ່ຽວກັບຄຸນທາດການເມືອງ, ຄຸນສົມບັດສີນທຳປະຕິວັດ, ຄວາມຮັບຜິດຊອບການເມືອງ, ແບບແຜນການນຳພາ, ວິທີເຮັດວຽກ, ແບບແຜນດຳລົງຊີວິດ, ລັກສະນະນຳໜ້າຄວາມເປັນແບບຢ່າງ ໂດຍສະເພາະແມ່ນຄະນະພັກ ແລະ ພະນັກງານນຳພາຄຸ້ມຄອງ ບົນພື້ນຖານຄວາມເສີມຂະຫຍາຍປະຊາທິປະໄຕ, ຕຳນິຕິຊົມເຊິ່ງກັນ ແລະ ກັນຢ່າງແຂງແຮງຕາມສະພາບ ແລະ ຂໍ້ມູນຕົວຈີງ ເພຶ່ອແກ້ໄຂປະກົດການຫຍໍ້ທໍ້ຕ່າງໆໃນຖັນແຖວພະນັກງານ, ຫຼີກເວັ້ນການດຳເນີນຊີວິດການເມືອງປບບຮູບການຊື່ໆ, ດຳເນີນຊີວິດການເມືອງສຳເລັດແລ້ວບໍ່ມີການຫັນປ່ຽນໃໝ່ເກີດຂື້ນ ຫຼື ແກ້ໄຂຫຍັງບໍ່ໄດ້ ເຊີ່ງຈະພາໃຫ້ພັກເຮົາເຊື່ອມເສຍອິດທິພົນ, ບົດບາດ ແລະ ຈະຂາດຄວາມເຊື່ອໝັ້ນໄວ້ວາງໄຈຂອງປະຊາຊົນບັນດາເຜົ່າຕໍ່ພັກເຮົາ.
     ພາຍຫຼັງສຳເລັດການຜ່ານໃບສຳຫຼວດຂອງເລຂາ, ຄະນະພັກ, ຄະນະນຳພະແນກ ແລະ ສະມາຊິກພັກແລ້ວສະມາຊິກແລ້ວ ກໍ່ໄດ້ມີການທາບທາມລົງຄະແນນສຽງຄວາມເຊື່ອໝັ້ນໄວ້ວາງໃຈຕໍ່ເລຂາ, ຄະນະພັກ, ຄະນະແນກ.

     

       ໃນຕ້ອນທ້າຍກໍ່ໄດ້ຮັບຟັງການໂອ້ລົມຈາກສະຫາຍຄຳຜອຍ ວັນນະສານ ກຳມະການປະຈຳພັກແຂວງ, ຮອງເຈົ້າແຂວງ, ຜູ້ຊີ້ນຳຂົງເຂດເສດຖະກິດຂັ້ນແຂວງ ເຊີ່ງທ່ານກໍ່ໃຫ້ແນວຄິດ ແລະ ທັດສະນະຕໍ່ກອງປະຊຸມເປີດບັ້ນດຳເນີນຊີວິດການເມືອງປັບປຸງປົວແປງ ທົ່ວໜ່ວຍພັກພະແນກ ໄປສະນີ ໂທລະຄົມມະນາຄົມ ແລະ ການສື່ສານປະຈຳປີ2017 ຄັ້ງນີ້ວ່າ:

  1. ກ່ຽວກັບໃບສຳຫຼວດບັນດາສະຫາຍຄະນະພັກ, ສະມາຊິກພັກກ່ຽວກັບກັບຈຸດອ່ອນ ແລະ ຂໍ້ຄົງຄ້າງທີ່ຕົນເອງສະເໜີ ແລະ ໝູ່ຄະນະປະກອບໃສ່ນັ້ນໃຫ້ແຕ່ລະສະຫາຍ, ໃຫ້ໄປແກ້ຕາມນັ້ນເພື່ອບໍ່ໃຫ້ການດຳເນີນຊີວິດການເມືອງໃນຄັ້ງຕໍ່ໄປບໍ່ໃຫ້ມີອີກ.
  2. ກວດກາຄືນ ແລະ ປັບປຸງແບບແຜນນຳພາ-ແບບແຜນວິທີເຮັດວຽກຂອງຄະນະພັກ, ຄະນະນຳພະແນກໃຫເຖືກຕ້ອງຕາມກົດລະບຽບພັກ, ຕາມທີ່ຕັ້ງພາລະບົດບາດ, ໜ້າທີ່ຂອບເຂດສິດຂອງພະແນກ ການຕົນ.
  3. ຕ້ອງຕັ້ງໜ້າແກ້ໄຂພະຍາດອາດຍາສິດ ແລະ ການສໍ້ລາດບັງຫຼວງ.
  4. ເສີມຂະຫຍາຍມູນເຊື້ອ ແລະ ຜົນງານທີ່ຍາດມາໄດ້ໃນໄລຍະທີ່ຜ່ານມາ.
  5. ເພີ່ມທະວີກ່ຽວກັບການຄຸ້ມຄອງ,ຕິດຕາມ, ກວດຫາ, ສົ່ງເສີມ, ຫາວິທີທາງ ແລະ ມາດຕະການແກ້ໄຂ ໃນການພັດທະນາວຽກງານໄປສະນີ.
  6. ກ່ຽວກັບວຽກງານໂທລະຄົມມະນາຄົມໃຫ້ກວດກາຄືນໃນການຂະຫຍາຍຕາໜ່າງໂທລະຄົມໃຫ້ເຂົ້າເຖິງເຂດຫ່າງໄກຊອກຫຼີ້ກ.
  7. ກ່ຽວກັບວຽກງານບໍລິຫານລັດດ້ວຍເອເລັກໂຕຼນິກ ຢູ່ພາຍໃນແຂວງໃຫ້ສືບຕໍ່ເກັບກຳຂໍ້ມູນລະບົບທີ່ໄດ້ຕິດຕັ້ງແລ້ວມີການນຳໃຊ້ແນວໃດ ແລະ ຈະສືບຕໍ່ປັບປຸງແບບໃດໃຫ້ມີປະສິດຕິພາບ.
  8. ກ່ຽວກັບການຈັດຕັ້ງປະຕິບັດວຽກງານ 3 ສ້າງແມ່ນຕ້ອງໄດ້ເອົາໃຈໃສ່ປະຕິບັດຢ່າງເປັນປົກກະຕິ-ຕໍ່ເນື່ອງຕາມຄຳສັ່ງຂອງນາຍົກເລກທີ34/ນຍ, ຄຳແນະນຳຂອງເຈົ້າແຂວງເລກທີ 08/ຈຂ,ຜລ ລົງວັນທີ25 ເມສາ 2017 ແລະ ຕາມຄຳສັ່ງແນະນຳຊອງກະຊວງ ເພື່ອຜັນຂະຫຍາຍໃຫ້ຖືກຕ້ອງ ແລະ ແທດເໝາະກັບຕົວຈີງ.
  9. ເພີ່ມທະວີໃນການປະສານງານ, ປະສານສົມທົບກັບກະຊວງສາຍຕັ້ງ, ກັບພະແນກການທີ່ກ່ຽວຂ້ອງຂັ້ນແຂວງ ແລະ ບັນດາເມືອງພາຍໃນແຂວງ ໃຫ້ມີຄວາມສອດຄ່ອງ, ມີຄວາມກົມກຽວ ເພື່ອເຮັດໃຫ້ການຈັດຕັ້ງປະຕິບັດວຽກງານເກີດຜົນສຳເລັດ.
  10. ໃຫ້ເອົາໃຈໃສ່ໃນການປຸກລະດົມຂົນຂວາຍ, ຍາດປຍ່ງແຫຼ່ງທືນ ເພື່ອມາຈັດຕັ້ງປະຕິບັດວຽກງານໃຫ້ປະກົດຜົນເປັນຈີງ ໂດຍອີງຕາມມະຕິກອງປະຊຸມໃຫຍ່ຄັ້ງທີ່10ຂອງພັກ, ມິຕິກອງປະຊຸມໃຫຍ່ຂອງອົງຄະນະພັກແຂວງຄັ້ງທີ10 ແລະ ກຳນົດຍຸດທະສາດ, ແຜນການ ແລະ ໂຄງການໃຫ້ລະອຽດ.
  11. ເອົາໃຈໃສ່ວຽກງານຕິດຕາມກວດກາ, ປະເມີນຜົນ ແລະ ສະຫຼຸບທອດຖອນບົດຮຽນຢ່າງເປັນປົກກະຕິ.

ສາຍດ່ວນພາກລັດ

  • ລັດຖະບານ: 1516
  • ສະພາແຫ່ງຊາດ: 156

ASEAN-Japan

Poster ເຕືອນໄພອີນເຕີເນັດ

ເອກະສານເຜີຍແຜ່


ເວັບໄຊສື່ມວນຊົນໂທລະພາບ