ສາຍດ່ວນແຂວງຜົ້ງສາລີ

  • ຫ້ອງວ່າການປົກຄອງແຂວງ:
  • ສະພາປະຊາຊົນ:

ສາຍດ່ວນ(ສຸກເສີນ)ແຂວງຜົ້ງສາລີ

  • ຕຳຫຼວດ:
  • ໂຮງໝໍ:
  • ໄຟຟ້າ: 088 1199
  • ນ້ຳປະປາ:

ສະຖິຕິວຽກງານ ປທສ

ວາລະສານ ໄອຊີທີລາວ

ຄົນທີ່ອອນລາຍ

ມີ 71  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

Login Form

    ໃນວັນ​ທີ31/5/-1/06/2016 ​ໄດ້​ຈັດ​ໃຫ້​ມີ​ກອງ​ປະຊຸມ​ເຊື່ອມ​ຊືມມະຕິXຂອງ​ພັກ​ ​ແລະ ມະຕິ X ຂອງ​ອົງຄະ​ນະ​ພັກ​ແຂວງ​ຜົ້ງ​ສາລີ ທີ່​ສະ​ໂມ​ສອນ​ຫໍ​ວັດທະນາ​ທຳ​ແຂວງ​ຜົ້ງສາລີ, ​​ເຊິ່ງປະຕິບັດ​ຕາມ​ມະຕິ​ເລກທີ04/ກມສພ ຂອງ​ກົມ​ການ​ເມືອງ​ສູນ​ກາງ​ພັກ​ວ່າ​ດ້ວຍ​ການຈັດ​ຕັ້ງ​ເຊື່ອມ​ຊືມມະຕິ​ຂອງ​ພັກ, ໂດຍ​ພາຍ​ໃຕ້​ການ​ເປັນ​ປະທານ​ ຂອງ​ທ່ານ ຄຳ​ເຈັນ ​ວົງ​ໂພ​ສີ ກຳມະການສູນກາງພັກ ​ເລຂາ​ຄະນະ​ບໍລິຫານ​ງານພັກ​ແຂວງ, ​ເຈົ້າ​ແຂວງ​ຜົ້ງ​ສາລີ ​ຊື່ງເປັນ​ຄະນະ​ຮັບຜິດຊ​ອບ​ເຜີຍ​ແຜ່​ເຊື່ອມ​ຊືມ.

ໃນ​ການ​ເຂົ້າ​ຮ່ວມ​ການ​ເຊື່ອມ​ຊືມມີ​ພະນັກງານ​ຫຼັກ​ແຫ​ລ່ງຂັ້ນ​ຫົວໜ້າ​ຂະ​ແໜງ​ຂື້ນ​ໄປ​ຈາກ​ພະ​ແນ​ກການ-ອົງການ, ກອງບັນຊາການທະຫານ-ຕຳຫຼວດແຂວງ, ຫົວໜ່ວຍລັດວິສາຫະກິດ​ທັງ​ໝົດ 420 ສະຫາຍ,ຍິງ 117 ສະຫາຍ ​ແລະ ​ໃນ​ກອງ​ປະຊຸມ​ໄດ້​ສະ​ເໜີ​ເອກະສານ 3 ບົດ​ທີ່​ຕິດ​ພັນ​ກັບ​ເນື້ອ​ໃນ​ມະຕິX ຂອງ​ອົງຄະ​ນະ​ພັກ​ແຂວງ ​ໂດຍຕິດ​ພັນ​ກັບ​ເນື້ອ​ໃນ 3 ບົດ​ຂອງ​ສູນ​ກາງ​ພັກ.
     ຜ່ານການເຊື່ອມຊືມ, ຜູ້ເຂົ້າຮ່ວມສາມາດກຳໄດ້ຈຸດປະສົງຄາດໝາຍ ແລະ ເນື້ອໃນເອກະສານແຕ່ລະບົດ ແລະ ບົນພື້ນຖານນັ້ນ ກໍ່ໄດ້ປະກອບຄຳຄິດ, ຄຳເຫັນຕໍ່ແຕ່ລະເນື້ອໃນດ້ວຍບັນຍາກາດທີ່ຟົດຟື້ນ, ແທດເໝາະກັບສະພາບຕົວຈີງຂອງທ້ອງຖີ່ນ ແລະ ກົມກອງຕົນ.
    ຜ່ານການປະກອບຄຳເຫັນ, ຜູ້ແທນຜູ້ເຂົ້າຮ່ວມກອງປະຊຸມລ້ວນແຕ່ເຫັນດີເປັນເອກະພາບຕໍ່ເນື້ອໃນຕ່າງໆຊື່ງແຕ່ລະຄົນລ້ວນແຕ່ສະເດງຄວາມເອກອ້າງທະນົງໃຈຕໍ່ຜົນສຳເລັດທີ່ຍາດມາໄດ້ໃນການຈັດຕັ້ງປະຕິບັດມະຕິຄັ້ງທີ່ IX ຂອງ​ພັກ, ກໍ່​ຄື​ຄັ້ງ​ທີ່IX ຂອງ​ອົງຄະ​ນະ​ພັກ​ແຂວງ​ຜົ້ງ​ສາລີ ​ໃນ​ໄລຍະ 5 ປີ ທີ່​ຜ່ານ​ມາ ທັງ​ເຫັນ​ໄດ້​ບັນດາ​ຈຸດ​ອ່ອນ, ຂໍ້ຄົງຄ້າງ, ສາຍ​ເຫດ ​ແລະ ບົດຮຽນ​ທີ່​ຖອດ​ຖອນ​ໄດ້.
  ຄຽງ​ຄູ່ກັບ​ການ​ຮັບ​ຮູ້​ເຂົ້າ​ໃຈ​ແຈ້ງ​ຕໍ່​ການ​ຕີ​ລາຄາ​ການຈັດ​ຕັ້ງ​ປະຕິບັດ​ໃນ​ໄລຍະ 5 ປີ ຜ່ານ​ມາ​ແລ້ວ​ຍັງ​ສາມາດ​ກຳ​ໄດ້​ບັນດາ​ທິດ​ທາງ, ຄາດໝາຍ, ວຽກ​ງານ​ຈຸດ​ສູ​ມ​ແຕ່ລະ​ໄລຍະ; ​ໄລຍະ​ແຕ່​ນີ້​ຮອດ​ປີ 2030; ຮອດ​ປີ 2025 ​ແລະ ຮອດ​ປີ 2020 ​ໃນ​ນີ້​ສາມາດ​ກຳ​ໄດ້​ກາລະ​ໂອກາດ ​ແລະ ສິ່ງ​ທ້າ​ທາຍ​ທັງ​ພາຍ​ໃນ ​ແລະ ພາຍ​ນອກ ທັງ​ເຫັນ​ໄດ້​ຄວາມ​ຈຳ​ເປັນ​ທີ່​ປະ​ເທດ​ເຮົາ​ຈະ​ຕ້ອງ​ໄດ້​ບຸກບືນ​ສູ້​ຊົນ ​ເພຶ່ອ​ໃຫ້​ທັນ​ກັບ​ບັນດາ​ປະ​ເທດ​ໃກຄຽງ ກໍ່​ຄື​ບົນ​ໂລກ​ບົນ​ພື້ນຖານ​ການ​ສືບ​ຕໍ່​ບຸກທະລຸ​ທັງ 4 ດ້ານ; ​ເປັນ​ຕົ້ນ​ແມ່ນ​ການ​ບຸກທະລຸ​ຈີນ​ຕະນາ​ການ, ບຸກຄະລາ​ກອນ ​ແລະ ລະບອບ, ລະບຽບ​ເຮັດ​ວຽກ ​ເພຶ່ອສ້າງ​ບາດ​ລ້ຽວ​ໃໝ່​ຢູ່​ປະ​ເທດ​ເຮົາ​ເລີ່​ມຈາກ​ຄວາມ​ເປັນ​ເຈົ້າ​ການ ​ແລະ ​ເປັນ​ແບບຢ່າງ​ຈາກ​ຄະນະ​ນຳ​ແຕ່ລະ​ຂັ້ນ​ນັບ​ແຕ່​ເທີ​ງລົງ​ລຸ່ມ ຈາກ​ນັ້ນ​ນຳພາ​ປະຊາຊົນ​ຈັດ​ຕັ້ງ​ປະຕິບັດ​ມະຕິ​ໃຫ້​ເປັນ​ຈີ​ງ.
   ໃນ​ຕອນ​ທ້າຍ​ທ່ານ ຄຳ​ເຈັນ ​ວົງ​ໂພ​ສີ ກຳມະການສູນກາງພັກ ​ເລຂາ​ຄະນະ​ບໍລິຫານ​ງານພັກ​ແຂວງ, ​ເຈົ້າ​ແຂວງ​ຜົ້ງ​ສາລີ ​ຊື່ງເປັນ​ຄະນະ​ຮັບຜິດຊ​ອບ​ເຜີຍ​ແຜ່​ເຊື່ອມ​ຊືມ ​ໄດ້​ໃຫ້​ທິດ​ທາງ​ຕໍ່​ກອງ​ປະຊຸມ​ເຊື່ອມ​ຊືມ​​ໃນ​ຄັ້ງ​ນີ້​ວ່າ:
+ ແຕ່​ລະສະ​ຫາຍ​ທີ່​ເຂົ້າ​ຮ່ວມ​ເຊື່ອມ​ຊືມຕ້ອງ​ໄດ້​ເອົາ​ຜົນ​ການ​ເຊື່ອມ​ຊືມ​ໃນ​ຄັ້ງ​ນີ້​ໄປ​ຈັດ​ຕັ້ງ​ຜັນ​ຂະຫຍາຍ​ໃນ​ກົມ​ກອງ​ສຳນັກງານ​ຂອງ​ຕົນ, ​ເອກະສານ​ເຊື່ອມ​ຊືມ​ໃນ​ຄັ້ງ​ນີ້​ໃຫ້​ອົດ​ສົ່ງ​ໃຫ້​ແຕ່​ລະສະ​ຫາຍ​ເພຶ່ອເປັນຄູ່ມື, ເປັນບ່ອນອີງໃນການຈັດຕັ້ງປະຕິບັດໜ້າທີ່ການເມືອງຂອງແຕ່ລະຄົນ.
+ ໃຫ້​ບັນດາ​ສະຫາຍ​ຫົວໜ້າ, ຮອງ​ຫົວໜ້າ ​ແຕ່​ລະ​ພາກສ່ວນ ​ໄປ​ປຶກສາ​ຫາລື​ກັນ ​ແລະ ຈັດ​ຕັ້ງ​ເຊື່ອມ​ຊືມ​ໃຫ້​ພະນັກງານ-​ລັດຖະກອນ, ນັກຮົບ ພາຍ​ໃນ​ກົມ​ກອງ​ໃຫ້​ຖ່ວງ​ທັນ ​ແລະ ທົ່ວ​ເຖິງ​ກັນ ​ພຶ່ອ​ໃຫ້​ພະນັກງານ, ສະມາຊິກ​ພັກ, ລັດຖະກອນ, ນັກຮົບ ທຸກ​ຖ້ວນ​ໜ້າ​ມີ​ຄວາມ​ຮັບ​ຮູ້​ເປັນ​​ເອກ​ະພາບ​ກັບ​ມະຕິ ທັງ​ຈັດ​ຕັ້ງ​ປະຕິບັດ​ໃຫ້​ຖືກຕ້ອງ.

+ ການຈັດຕັ້ງຜັນຂະຫຍາຍ ແລະ ປະຕິບັດຕົວຈີງ, ໃຫ້ແຕ່ລະພາກສ່ວນຈັດຕັ້ງປະຕິບັດຕາມ 6 ມາດຕະການຂອງການນຳພາ, ຊີ້ນຳ ແລະ ບັນຊາຂອງບົດທີ່3 ຊື່ງໃນນີ້ໃຫ້ແຕ່ລະພາກສ່ວນປັບປຸງແບບແຜນວິທີເຮັດວຽກ, ສ້າງກົດລະບຽບສະເພາະຂອງກົມກອງ, ສ້າງຂໍ້ແຂ່ງຂັນກັນ ໂດຍເໜັ້ນໃຫ້ຄວາມດຸໝັ່ນຂະຫຍານພຽນໃນການຊອກຮູ້ຮ່ຳຮຽນແຕ່ລະໜ້າທີ່, ມີຄວາມສາມັກຄີ, ມີຄວາມຮັບຜິດຊອບສູງຕໍ່ໜ້າທີ່ການເມືອງ, ມີຄວາມເປັນແບບຢ່າງໃນການແກ້ໄຂປະກົດການຫຍໍ້ທໍ້ໃນສັງຄົມ ແລະ ອື່ນໆ.
+ ຜ່ານການແຂ່ງຂັນວຍກງານຕ້ອງໄດ້ມີການຕິດຕາມ, ກວດກາຊຸກຍູ້ຂາກຂັ້ນເທີງກ່ຽວຂ້ອງຖັດຕົນ, ມີການປະຕິບັດຍ້ອງຍໍສັນະເສີນ ແລະ ປະຕິບັດນະໂຍບາຍຕ່າງໆຢ່າງສົມເຫດສົມຜົນ.
+ ໃຫ້​ທຸກ​ພາກສ່ວນ​ມີ​ການ​ຫັນປ່ຽນ​ຢ່າງ​ຕັ້ງໜ້າ ​ແລະ ປະກອບສ່ວນ​ໃນ​ການ​ສ້າງ​ບາດ​ລ້ຽວ​ໃໝ່​ໃຫ້​ແກ່​ແຂວງ​ຜົ້ງ​ສາລີ ກໍ່​ຄື​ປະ​ເທດ​ຂອງ​ພວກ​ເຮົາ.

ສາຍດ່ວນພາກລັດ

  • ລັດຖະບານ: 1516
  • ສະພາແຫ່ງຊາດ: 156

ASEAN-Japan

Poster ເຕືອນໄພອີນເຕີເນັດ

ເອກະສານເຜີຍແຜ່


ເວັບໄຊສື່ມວນຊົນໂທລະພາບ